Кыргыз Республикасынын Улуттук банкынын Жалал-Абад областтык башкармалыгында лекция өткөрүлдү
2024-жылдын 20-мартында Глобалдуу акча жумалыгын өткөрүүнүн алкагында Кыргыз Республикасынын Улуттук банкынын Жалал-Абад областтык башкармалыгынын өкүлдөрү тарабынан "Акча тапсаң - сакта, келечекке пайда" деген ураан менен Жалал-Абад Мамлекеттик университетинин экономика факультетинин студенттери жана мугалимдери үчүн финансылык сабаттуулук боюнча лекция өткөрүлдү.
Лекциянын жүрүшүндө Улуттук банктын ишин уюштуруу, Улуттук банктын акча-кредит саясаты жана акча рыногу (ссудалык капитал рыногу) жөнүндө маалымат берилди.
Ошондой эле финансылык максаттын зарылдыгы жана маанилүүлүгү, финансылык пландаштыруу жана үй-бүлөлүк/жеке бюджетти пландаштыруу, кирешелер жана чыгашалар, топтоолор, банктык кызмат көрсөтүүлөр, банктык депозиттер, насыя алуудагы мамилелер, инвестициялар жана керектөөчүлөрдүн укуктарын коргоо жөнүндө маалымат берилди.
Басып чыгарууга 
