“Глобалдуу акча жумалыгы – 2026” иш-чарасынын алкагында бир катар билим берүү жана маданий иш-чаралар
Кыргыз Республикасынын Улуттук банкынын Ысык-Көл областтык башкармалыгынын кызматкерлери 2026-жылдын 31-март күнү өткөрүлгөн “Глобалдуу акча жумалыгы – 2026” иш-чарасынын алкагында бир катар билим берүү жана маданий иш-чараларды өткөрдү. Атап айтканда, Каракол шаарындагы Х. Карасаев атындагы кыргыз-түрк лицейинин жогорку класстарынын окуучулары үчүн финансылык сабаттуулук боюнча актуалдуу темаларга, тактап айтканда финансылык пландаштыруу, QR-кодду колдонуу менен төлөм жүргүзүү, дропперликке каршы аракеттерди көрүү жана кыргыз сомунун жаралышы темаларына арналган көчмө лекциялар өткөрүлдү.
Мындан тышкары, областтык башкармалыктын имаратында Улуттук банк тарабынан чыгарылган коллекциялык монеталардын нумизматикалык көргөзмөсү уюштурулуп, көргөзмөнүн жүрүшүндө Каракол шаарынын тургундары улуттук валютанын өнүгүү баскычтары менен таанышуу жана анын коргоо элементтери тууралуу маалымат алуу мүмкүнчүлүгүнө ээ болушту.
Басып чыгарууга 
