Жыл сайын өтүүчү «Дүйнөлүк каражат топтоо күнү» иш-чарасы болуп өттү
2025-жылдын 31-октябрында А.Осмонов атындагы Кыргыз Республикасынын Улуттук китепканасында финансылык сабаттуулук боюнча жыл сайын өтүүчү «Дүйнөлүк каражат топтоо күнү» иш-чарасы болуп өттү.
Иш-чарага КР Маданият, маалымат жана жаштар саясаты министрлигинин, КР Ички иштер министрлигинин, КР Депозиттерди коргоо боюнча агенттигинин, «Кыргызстан банктар союзу» ЮЖБнын, «Кыргызстан» ТПФнын, «Кепилдик фонду» ААКтын, «Карылар үчүн ресурстук борбор» КБнин, коммерциялык банктардын, микрофинансылык жана башка финансылык уюмдардын өкүлдөрү катышты.
Улуттук банктын координациялоосу астында өнөктөш уюмдар менен биргеликте финансылык жарманке уюштурулуп, анда спикерлер каражат топтоо, депозиттерди коргоо системасы жана жеке финансылык коопсуздукту камсыз кылуу темаларында сөз сүйлөштү.
Финансылык жарманкенин жүрүшүндө катышуучуларга банктык базалык кызмат көрсөтүүлөр - депозитик продукттардын шарттары, коммерциялык банктардын банктык эсептерин жана төлөм карталарын ачуу тууралуу маалымат, ошондой эле кызыккан суроолору боюнча консультациялар берилди.
Мындан тышкары интерактивдүү оюндар, сынактар жана викториналар өткөрүлдү. Жарманкенин активдүү катышуучулары, сынактардын жана викториналардын жеңүүчүлөрү атайын сыйлыктар менен сыйланышты.
Финансылык жарманкеге 400дөй адам катышты.
Басып чыгарууга 
