Каныш-Кыя айылында иштеп жаткан уюмдар үчүн финансылык сабаттуулук боюнча көчмө лекция
Кыргыз Республикасынын Улуттук банкынын Жалал-Абад областтык башкармалыгы 2025-жылдын 22-июлунда планга ылайык Жалал-Абад областынын Чаткал районунун Каныш-Кыя айылында иштеп жаткан уюмдар үчүн финансылык сабаттуулук боюнча көчмө лекция өткөрдү.
Лекциянын жүрүшүндө Улуттук банктын өкүлдөрү катышуучуларга акча каражаттарын туура колдонуу жана сарптоо, акча каражаттарын ар кандай тобокелдиктерден коргоо, Кыргыз Республикасында QR-кодду өнүктүрүү боюнча иш-чаралар, QR-коддордун улуттук стандарттары жана эки өлчөмдүү штрих-код белгилерин (QR-код) колдонуу жөнүндө айтып беришти.
Мындан тышкары, 2025-жылдын I чейрегинин жыйынтыгы боюнча накталай эмес төлөмдөр жана эсептешүүлөр түзүмү, улуттук валюта банкнотторунун негизги коргоо элементтери жана эскилиги жеткен банкнотторду жарактуу банкнотторго алмаштыруу эрежелери тууралуу маалымат берилди.
Басып чыгарууга 
